Eze 13 | Ndebele | STEP | Ilizwi leN kosi laselifika kimi lisithi:

1 Ilizwi leNkosi laselifika kimi lisithi: 2 Ndodana yomuntu, profetha umelene labaprofethi bakoIsrayeli abaprofethayo, utsho kubo abaprofetha okwenhliziyo yabo: Zwanini ilizwi leNkosi ^a. 3 Itsho njalo iNkosi uJehova: Maye kubaprofethi abayizithutha, abalandela umoya wabo, abangabonanga lutho ^b! 4 Israyeli, abaprofethi bakho banjengamakhanka emanxiweni. 5 Kalenyukelanga ezikhexeni ^c, kumbe libiyele indlu kaIsrayeli uthango ^d ukuze ime empini ngosuku lweNkosi ^e. 6 Babone okuyize ^f, lokuvumisa kwamanga ^g, abathi: INkosi ithi; kanti iNkosi ingabathumanga ^h; bathemba ekuqinisweni kwelizwi ^{▼▼ ekuqinisweni kwelizwi: kumbe benza abanye bathemba ukuthi bazaqinisa ilizwi.}. 7 Kalibonanga yini umbono oyize ^j njalo likhulume ukuvumisa okungamanga yini ^k? Kanti lithi: INkosi ithi; kodwa mina ngingakhulumanga ^l. 8 Ngakho itsho njalo iNkosi uJehova: Ngoba likhulume okuyize, labona amanga, ngakho, khangelani, ngimelene lani, itsho iNkosi uJehova ^m. 9 Njalo isandla sami sizakuba phezu kwabaprofethi ababona okuyize ⁿ, labavumisa amanga; kabayikuba senhlanganweni yabantu bami ^o, futhi kabayikubhalwa embhalweni wendlu yakoIsrayeli ^p, futhi kabayikungena elizweni lakoIsrayeli ^q; njalo lizakwazi ukuthi ngiyiNkosi uJehova ^{r
,} ^s.

10 Ngoba, yebo ngoba beduhise abantu bami ^t, besithi: Ukuthula; khona kungelakuthula ^u; kwathi omunye wakha umduli ongaqinanga, khangela-ke, abanye bawubhada ngodaka olungalunganga ^v. 11 Tshono kulabo abawubhada ngekalaga ukuthi uzakuwa ^w. Kuzakuba khona izulu elikhukhulayo ^{x
,} ^y; lawe, matshe amakhulu esiqhotho, uzakuwa ^z, lomoya wesiphepho uwuqhekeze ^{aa
,} ^ab. 12 Khangela-ke, nxa umduli usuwile, kakuyikutshiwo yini kini ukuthi: Lungaphi udaka elalibhade ngalo? 13 Ngakho itsho njalo iNkosi uJehova: Ngizawuqhekeza ngomoya wesiphepho ekuthukutheleni kwami ^ac, kube khona izulu elikhukhulayo ngolaka lwami ^ad, lamatshe esiqhotho ngentukuthelo yami ukuwuqeda ^ae. 14 Ngokunjalo ngizadiliza umduli eliwubhade ngekalaga, ngiwuwisele emhlabathini, ukuze kwembuleke isisekelo sawo, uwe; njalo lizaqedwa phakathi kwawo ^af; njalo lizakwazi ukuthi ngiyiNkosi ^ag. 15 Ngokunjalo ngizaphelelisa ulaka lwami emdulini laphezu kwalabo abawubhade ngekalaga, besengisithi kini: Umduli kawusekho, lalabo abawubhadayo kabakho ^ah; 16 okutsho abaprofethi bakoIsrayeli abaprofetha ngeJerusalema, labayibonela umbono wokuthula, kanti kungelakuthula, itsho iNkosi uJehova ^ai.

17 Wena-ke ndodana yomuntu, misa ubuso bakho ^aj bumelene lamadodakazi abantu bakho ^ak, abaprofetha okuvela enhliziyweni yabo, uprofethe umelene labo ^{al
,} ^am. 18 Ubususithi: Itsho njalo iNkosi uJehova: Maye kwabesifazana abathungela izigqizo ^an kuzo zonke izihlakala ^ao, abenza izimbombozo ezinde phezu kwekhanda labo bonke ubude ^ap, ukuze bazingele imiphefumulo ^aq! Lizazingela imiphefumulo yabantu bami yini, njalo lizazigcinela imiphefumulo iphila yini ^ar? 19 Futhi lizangingcolisa yini phakathi kwabantu bami ngenxa yezandla ezigcwele ibhali, langenxa yezincezu zezinkwa ^as, ukuthi libulale imiphefumulo ebingayikufa, lokuthi ligcine iphila imiphefumulo ebingayikuphila, ngokuqamba amanga kwenu ebantwini bami abalalela amanga? 20 Ngalokho itsho njalo iNkosi uJehova: Khangelani, ngimelene lezigqizo zenu, elizingela ngazo lapho imiphefumulo liyenza iphaphe; ngizaziqamula engalweni zenu, ngiyekele imiphefumulo ihambe, ngitsho imiphefumulo eliyizingelayo liyenza iphaphe ^at. 21 Lezimbombozo zenu ezinde ngizazidabula ^au, ngophule abantu bami esandleni senu, ukuthi bengasayikuba sesandleni senu ukuba yimpango ^av; njalo lizakwazi ukuthi ngiyiNkosi ^aw. 22 Ngoba lidanisile inhliziyo yolungileyo ngamanga, engingamdabukisanga mina ^ax, langoba laqinisa izandla zomubi ukuze angaphenduki endleleni yakhe embi, ukumgcina ephila ^ay. 23 Ngakho kalisayikubona okuyize njalo kaliyikuvumisa okuvunyiswayo ^az; ngoba ngizakophula abantu bami esandleni senu ^ba; beselisazi ukuthi ngiyiNkosi ^bb.